তেজপুৰৰ মাজ মজিয়াত অৱস্থিত চিলভাৰ জুবিলী প্ৰাথমিক বিদ্যালয়। এই বিদ্যালয়খনৰ ছাৰ-বাইদেউসকলৰ কথা শুনি আছিলোঁ যদিও যেতিয়াৰ পৰা আমাৰ সন্তানে এই বিদ্যালয়ত পঢ়িবলৈ ল'লে তেতিয়াৰ পৰা বেছি ভালকৈ জনা হ’লোঁ। এইখন বিদ্যালয়ৰ ছাৰ-বাইদেউসকলে সকলো ছাত্ৰ-ছাত্ৰীৰ খেলা-ধূলা, নাচ-গান, পঢ়া-শুনা আদিত সকলো দিশতে আগবঢ়াই নিয়ে। আৰু সেইদৰে ছাত্ৰ-ছাত্ৰীয়েও আগবাঢ়ি যোৱাত চেষ্টা কৰিছে। বৰ্তমান লকডাউনৰ সময়তো ছাৰ-বাইদেউসকলে পঢ়া-শুনা পিছ পৰিবলৈ নিদি WhatsAppৰ সহায়ত পঢ়া-শুনা আৰু বিভিন্ন প্ৰতিযোগিতাত অংশগ্ৰহণ কৰিবলৈ সহায় কৰিছে। এই প্ৰচেষ্টা দেখি মই বৰ সুখী হৈছোঁ। আগলৈও ছাত্ৰ-ছাত্ৰী সকলক এইদৰে আগবঢ়াই নিব বুলি গভীৰ আশাৰে মোৰ ক'বলগীয়া সামৰিছোঁ।

 

ৰীতা শইকীয়া

(মা) পঙ্খী শইকীয়া, পঞ্চম শ্ৰেণী , শাখা (ক)